Zogam/Zomi it ihcih
Leitung mi a kuama peuh in a gam leh a minam a It lo dingpen om dingin ka lam en kei hi. a hihhangin It dan ihsiamkim kei dingin ka um hi. Itna ihcih in Lungduai na leh Lungnem na a hihi. tuate sungpan in tomvei sungbek it na leh khantawn Itna ci-in na kilam dang hi.It na mann ihcih pen kimudah theilo in kigensia thei lo hi banghang hiam? cih leh ih-it man in a khialhna te zong ihmaisak zo hi tua a hihman in maisak zawhna in Itna kip khan tawn Itna kicih thei hi.tuabangin khialhna te zong maisak zawh lohna Itna pen tomvei sung Itna hi cih kimu thei hi.
Vantung thu a hizongin leitung leinuai thute ah a hizongin Itna sangin a manpha zaw leh a thupi zaw dang a om kei hi tua a hihman in Itna Ihneih a leh picin na hi aa, khantohna hong tun hi, van khat peuhpueh a hizongin Itna ihneih a leh ihkepsiam hongkul ta hi.
Zogam leh Zomi te khang ihsut ciangin naupang nawnlo a hihman in picin hun mahmah ta hi. tua a hihman in picin na lungsim tawh thuman na leh thuzuih na tawh Itna a hizongin it na tak tawh makaihna leh lamlah na tawh a hizongin deihna tak tawh itna leh muanna tak tak tawh Zogam Zoleitaang Zomi te Ihzun Ihpuah ihkep ih cingh ding hunlua mahmah ta hi.
Zi/Pasal neih cih pen Itna leh deihna Ihneih bekciangin a kinei thei hi a, Ihna leh deihna ih neih kei leh nupa komkhat suah dingpen a hamsa mahmah khat hi.tua a hihman in Itna ihcih ciangin deihna hi aa, ihdeihciang bekin a ki-it thei a hihi. Leitungah Zogam cih Ihdeihmah bangin Zomi/Zogam ih-it ding kisam hi. Zomi khat na it na in Zogam na itna hang hi aa, Zomi te tenna munteng Zogam dingin nadeihna na hang a hihi.
thukhat leuleu ah Zi/Pasal nei napi-in khat zawzaw in a nuawtsiat a leh meigong ki ci hi gam leh minam nei napi-in Itna tak tawh Ih nuntak pihkei leh meigong ihsuak ding hi.tua a hihman in nagam leh na minam pih ten hongnuntakpih na dingin Itna naneih kul aa, Itna naneihman in na mipih leh na gam leitaang puahnop na leh zunnop na lungsim nanei thei pan ding hi.
Mihing ten ihta te leh ih zi/pzsal te ih-it man in leh ih deihsak man hangin neilo pipi in leitawi liangin pilna siamna ihsin sak aa, ihzi/pasal te hoihlo pipi ih puah ihzemzem nate in ihdeihman leh ih-it man a hihi. ih-it man leh ihdeihsak man ihdeih man hangin ih zi/pasal tate ihpuah mahbangin Zogam Zomi te puah ding leh zunding ihkisam aa, Zomi a kua mapeuh ihlungsim te picing sak in zuntek ding kisam hi.
Tua a hihman in Zogam Zomi Itna deihsak na ih cih in puahnop na leh zunnop na lungsim ihcih ciangin laisim pilna/ khutsiam pilna/neih leh laam te pan inhonghun hongkem un hong kicih bekteh sepkhiat na-in itna leh deihsak na kiciing hilo hi. nangmahmah in Zomi leh Zogam tungah deihsak na tak leh itna tak/phalna tak tawh nasep na/ nahilh na/ napiakna te in Zogam a ding leh Zomi te a dingin a manpha itna kip hi-in nasep na hangin kiphasak na lungsim a omngei kei ding hi, tua ahihman in Zogam/Zomi it ihcih in kimai sakna,zunnop na,puahnop na,deihsak na leh thuzuih na in Zomi/Zogam it ih cih a hihi.
No comments:
Post a Comment